Bazkideak

Gustuko izan dugu horiekin lotura izatea, ez baitira pentsaera zurrunekoek, ez bakarrekoak. Batzuetan, erori, eta zutitu egin dira. Norabidea aldatzen jakin dute, ilusioa berreskuratzeko norberaren burua berrasmatu beharra zegoenean. Inspiratu egiten gaituzte, egiten dutenagatik eta direnagatik. Eta, batez ere, profesional bikainak direlako beren eremuan, eta gure egiteko moduak aberasten laguntzen digutelako. Eta aitortuko dugu: sekulako barreak egiten ditugu haiekin. 

  • Natalia Navarro Oliván

    Natalia-ri buruz gehiago jakin

    NataliaNavarro Oliván

    Alternatives erakundeko zuzendaria da, eta 20 urte baino gehiago daramatza Generoaren eta Garapenaren inguruko nazioarteko aholkulari gisa, antolakuntza-aldaketan, mainstreamingean eta antolakuntza-kulturan espezializatuta.Azken urteotan, Kantabriako Gobernuko Genero Berdintasunaren Unitatean eta Eusko Jaurlaritzako Garapenerako Lankidetzaren Euskal Agentzian aholkulari izan da.Euskadiko GGKEen Koordinakundearekin eta Garapenerako GGKEen Kataluniako Federazioarekin elkarlanean aritzen da, eta Ekitatearen aldeko Antolakuntza Aldaketetan (CopEQ) laguntzen ari da Euskadiko eta Kataluniako hainbat GGKEtan.Genero-ikuspegia duten ikerketa-proiektuetan ere aritzen da.Espainiako unibertsitate nagusietako master eta graduondoko programa askotan irakasle gisa parte hartzen du.

  • Cristina Santillán Idoate

    Cristina-ri buruz gehiago jakin

    CristinaSantillán Idoate

    Aholkulari independentea da, eta esperientzia handia du genero-kontuen analisian, eta horiek garapeneko politika publikoetan, programetan eta proiektuetan integratzen; proiektuak eta programak koordinatzen eta haien jarraipena eta ebaluazioa egiten; politikan eragiteko koalizioak, aliantzak eta sareak mugitzen eta koordinatzen; ikerketan; eta jakinarazteko, sentsibilizatzeko eta jarrera bat hartzeko materiala diseinatzen eta koordinatzen.15 urte baino gehiago daramatza garapenerako nazioarteko lankidetzan eta alo horretako eragileekin lanean (oinarrizko erakundeak, nazio mailako eta nazioarteko GKEak, gobernu-erakundeak eta Nazio Batuen agentziak).

    Haren ibilbide profesionalak herrialde askotan lan egitera eraman du, Afrikan (Uganda, Togo, Mauritania eta Senegal), Amerikan (Dominikar Errepublika, Paraguai, Honduras, Nikaragua eta Bolivia) eta Europan (Austria, Belgika, Erresuma Batua).

  • Laura Modonato

    Laura-ri buruz gehiago jakin

    LauraModonato

    Pedagogian lizentziatua da Boloniako Unibertsitatean (Italia).Kulturarteko Hezkuntzan eta Gizarte Bitartekaritzan aditua (EHU) eta Globalizazioaren eta Garapenaren Ikerkuntzan aditua (Hegoa Institutua/EHU).Bere ibilbidea Euskal Autonomia Erkidegoko zenbait GGKEtako proiektuetako teknikari gisa hasi zuen.Gaur egun, generoari, migrazioei eta garapenari buruzko aholkuari independentea da. Orain arte, bere lan-esperientziaren ardatza izan da genero- eta kulturartekotasun-esperientzien ikerketa-azterketak, diagnostikoak, ebaluazioak eta sistematizazioak egitea erakunde publiko eta pribatuentzat. Gainera, tailerrak eta trebakuntza-ikastaroak ematen ditu aurretik aipatutako arloetan.

  • Maru Sarasola

    Maru-ri buruz gehiago jakin

    MaruSarasola

    Ibilbide profesional luzea du, batez ere enpleguaren, ekintzailetzaren eta aukera-berdintasunaren politiken eremuan. Gaur egun, emakumeen eta gizonen berdintasunaren gizarte-aholkularitzako bere lanarekin batera, banakako eta taldekako coaching-prozesuak lantzen ditu, eta, hala, coaching-arloan eta erakunde-aldaketaren kudeaketan duen ezagutza eta esperientzia berdintasunaren aldeko antolakuntza-aldaketan erabiltzen du.

    Berdintasun-politiken, lidergoaren lanketaren eta antolakuntza-aldaketaren arteko gurutzaketa horretan, hainbat lantegi diseinatu eta eman ditu emakume akademiko edo tokiko erakundeetako emakume hautetsien lidergoa lantzeko, berdintasunaren aldeko aldaketa kudeatzeko eta emakumeak banaka zein taldeka ahalduntzeko.

  • Myriam Artola

    Myriam-ri buruz gehiago jakin

    MyriamArtola

    Myriam Artolari sortzailekide dela esatea gustatzen zaio: taldean sortzea, aukerak irudikatzea eta ametsei, oinak, eskuak eta bihotza jartzea. Eta aukerak proiektu bihurtzea, beste batzuekin batera.

    Muxote Potolo Bat enpresaren fundatzailea, sortzailea eta zuzendari exekutiboa da; enpresa hori diseinuan, komunikazioan (produktuak eta zerbitzuak) eta ikusgarritasuna gidatzen (Visual Thinking+taldeen coaching-a) aritzen da.

    Proiektu honetarako, garapenerako lankidetzaren esparruan lan egindako urteetan pilatutako esperientzian oinarritzen da; izan ere, lehenengo Mexikon jardun zuen eta gero, 2015erarte, Alboan Fundazioan, Nazioarteko Lankidetza Saileko koordinatzaile gisa. Masterra du Nazioarteko Lankidetzako Politika eta Estrategietan. Hegoa, EHU (2004). 

  • Itziar Bastarrika

    Itziar-ri buruz gehiago jakin

    ItziarBastarrika

    Itziar Bastarrika Gizarte Hezkuntzan diplomaduna da Euskal Herriko Unibertsitatean. Donostiako IVASFOT eskolan argazkigintza ikasi zuen eta 2012tik bere lana ikus-entzunezkoen munduarekin eta argazkigintzaren eta bideoaren eremuko irakaskuntzarekin uztartzen du. 

    2013 urteaz geroztik, udaletxe desberdinetarako Berdintasun Sailentzat lan egin du (Arrasate, Azkoitia, Azpeitia, Donostia, Galdakao, Hernani, Zumarraga, Ondarru) argazkigintza zein bideogintza sorkuntza lanak egiten eta baita ere ikastaroak ematen.

    Jabekuntza Eskolen sarean ere ugari dira azken urteetan emakumeen ahalduntzea helburu duten bideogintza eta argazkilaritza ikastaroak. Eta hainbat izan dira ikastaro hauetatik eratorrita ikastaroetan parte hartu duten emakumeek aurrera eraman dituzten eta berak dinamizatu eta kudeatu dituen ikus entzunezko proiektuak.